Uphengululo lwesemantiki yezenzi zonxibelelwano esiXhoseni
Abstract
Injongo zolu phando kukuphonononga izenzi zonxibelelwano esiXhoseni. Impawu zezenzi
esiXhoseni ziza kuphononongwa malunga nobume bolwakhiwo lwe-adyumenti (ARGSTR)
ubume bolwakhiwo lwekhwaliya (QUALISTR) kunye nobume bolwakhiwo lwesiganeko
(EVENTSTR) esiXhoseni. Izenzi zonxibelelwano ziphandwe kusetyenziswa izixhobo
zengcingane evelisayo yelekhisikhoni yegama ngokukaPustejovsky (1996). Kulwimi isiXhosa
lukhona uphando kwizenzi kodwa lwenziwe kwizenzi ngokubanzi alugxilanga kuhlobo oluthile
lwezenzi.